Krijimtaria, një mjet i rëndësishëm për të përballuar stresin personal dhe profesional gjatë pandemisë
21 tetor 2021
- Një ekspozitë nga anëtari i stafit të OBSH-së, Ardian Xinxo
Shtatorin e shkuar, Zyrtari për Emergjencat në OBSH dhe artisti i spikatur Ardian Xinxo prezantoi koleksionin e tij “Rrëfime pandemike’ në Qendrën për Hapje dhe Dialog, në Tiranë. Tematika për 23 ilustrimet dhe pikturat e tij të ndërlikuara janë përditësimet e rregullta të OBSH-së për pandeminë COVID-19, kaq familjare për OKB-në dhe partnerët gjatë 18 muajve të fundit, që ndjekin ngritjen dhe rënien e pandemisë në Shqipëri.
Në formën e pikturave me ngjyra të ndezura mbi listat e rregullta të veprimeve dhe përditësimeve mbi situatën, ilustrimet e tij kapin emocionin e fazave kryesore të pandemisë: frikën e pavetëdijshme të izolimit dhe lamtumirat virtuale, qytetin nën izolim, ndjenjat e humbjes, mbështeten e miqve kur lajmet janë të këqija, dhe se si veshja e maskave dhe dhuna ndaj grave u bë një realitet i ri.
Ekspozita e gjallë tregon vlerën e krijimtarisë si një mjet i rëndësishëm në situata stresuese për aftësinë ripërtëritëse dhe shëndetin tonë mendor.
OBSH në Shqipëri, së bashku me agjencitë simotra të OKB-së dhe programet e Sistemit të OKB-së në Shqipëri, kanë punuar krah për krah partnerëve shqiptarë lidhur me përpjekjen gjithëpërfshirëse për të trajtuar ndikimet shumëdimensionale të COVID-19, dhe për të mbrojtur nevojat dhe të drejtat e personave që jetojnë nën kërcënimin e pandemisë, me fokus te grupet më të cenueshme dhe te personat që rrezikojnë të mbeten pas.
Përgëzime OBSH-së që inkurajon kolegun e saj për të ndarë historinë e tij personale mbi pandeminë.