ILO-Dokument politik: Hapësira fiskale për mbrojtjen sociale në Shqipëri: përditësim i vitit 2022

Në vitin 2021 ILO mori përsipër kryerjen e analizës së hapësirës fiskale për sistemin e mbrojtjes sociale në Shqipëri si dhe të vlerësimit të sistemit të mbrojtjes sociale në kuadër të Programit të Përbashkët

të OKB-së “Katalizimi i Mbrojtjes Sociale në nivel Bashkiak”.



Goditja e dyfishtë me të cilën u përball Shqipëria – tërmetet e nëntorit të vitit 2019 dhe pandemia COVID-19 gjatë periudhës 2020-2022 – preku në ënyrë të konsiderueshme ekonominë, tregun e punës dhe financat publike. Për më tepër, presionet inflacioniste për shkak të luftës në Ukrainë

e kanë lënë në hije rimëkëmbjen ekonomike pas pandemisë. Të gjithë këta faktorë ndikojnë në kapacitetet kombëtare për të gjeneruar financime të mjaftueshme për mbrojtjen sociale dhe për të shkuar drejt një qëllimi afatgjatë për mbrojtjen sociale universale.



Në këtë kontekst, në kuadrin e Programit të Përbashkët të OKB-së “Opsionet e Politikave Strategjike për Financimin e OZhQ-ve”, ILO u angazhua për përditësimin e analizës së hapësirës fiskale duke marrë parasysh të dhënat e reja në dispozicion që mbulojnë periudhën e pandemisë COVID-19. Ky dokument politik bën një përmbledhje të gjetjeve dhe rekomandimeve kryesore si dhe evidenton ndryshimet kryesore që kanë ndikuar në mundësinë e vendit për të krijuar hapësirë fiskale për mbrojtjen sociale.