Kombet e Bashkuara në Shqipëri

Të fundit

24 nëntor 2023

Agjencitë e OKB-së në Shqipëri nisin 16 Ditët e Aktivizmit kundër Dhunës me Bazë Gjinore dhe bëjnë thirrje për investime të guximshme për t’i dhënë fund dhunës ndaj grave dhe vajzave.

Mëso më shumë

Njoftimi për media

08 nëntor 2023

FAO dhe Universiteti Bujqësor i Tiranës fuqizojnë fermerët shqiptarë dhe specialistët e ekstensionit me trajnime për njohuri financiare.

Mëso më shumë

Reportazh

31 tetor 2023

Java e Kombeve të Bashkuara 2023 – një festim i veçantë për të promovuar paqen, të drejtat e njeriut dhe zhvillimin e qëndrueshëm.

Mëso më shumë

Të fundit

Njoftimi për media

24 nëntor 2023

Mëso më shumë

Njoftimi për media

08 nëntor 2023

FAO dhe Universiteti Bujqësor i Tiranës fuqizojnë fermerët shqiptarë dhe specialistët e ekstensionit me trajnime për njohuri financiare.

Mëso më shumë

Reportazh

31 tetor 2023

Java e Kombeve të Bashkuara 2023 – një festim i veçantë për të promovuar paqen, të drejtat e njeriut dhe zhvillimin e qëndrueshëm.

Mëso më shumë

Objektivat e Zhvillimit të Qëndrueshëm në Shqipëri

Objektivat e Zhvillimit të Qëndrueshëm janë një thirrje globale për veprim, për t'i dhënë fund varfërisë, për të mbrojtur mjedisin dhe klimën në Tokë dhe për të siguruar që njerëzit, pavarësisht vendndodhjes, të mund të gëzojnë paqe dhe mirëqenie. Mësoni se si 19 Agjencitë e OKB-së punojnë së bashku për të mbështetur Shqipërinë për arritjen e OZHQ-ve. Klikoni mbi çdo ikonë OZHQ më poshtë:

Paqe dhe drejtësi, institucione të forta.

Mëso më shumë

Njoftimi për media

12 tetor 2023

Java e Kombeve të Bashkuara në Shqipëri 2023

23 tetor 2023 – Shpalosje e veprimeve për arritjen e Objektivave për Zhvillim të Qëndrueshëm (SDGs) Në të gjithë vendin do të organizohen aktivitete të ndryshme, me qëllimin për të shfaqur e promovuar një gamë të gjerë ndërhyrjesh të kryera nga agjencitë dhe programet e OKB-së në Shqipëri në bashkëpunim me autoritetet shqiptare, donatorët, grupet e interesit dhe publikun. Aktivitet do të synojë të adresojë çështje kyçe që ndikojnë në arritjen e Objektivave të Zhvillimit të Qëndrueshëm dhe zotimeve të lidhura me to. 09:00 - Fuqizimi i rrjetit global të facilitatorëve të Konventës së 2003 të UNESCO-s -Tirana International Hotel, Tiranë. Organizuar nga UNESCO dhe Ministria e Kulturës. Fuqizimi i Rrjetit Global të Facilitatorëve të Konventës së 2003 të UNESCO-s; Trajnimi i Trajnerëve të Facilitatorëve të Rinj. (Pjesëmarrja në aktivitet është vetëm me ftesë) 10:00 – Bisedë mbi Ambiciet Klimatike - Fakulteti i Histori-Filologjisë, Tiranë. Organizuar nga OKB në Shqipëri (UN RCO, UNDP, UNOPS) dhe Ambasada e Spanjës. Një aktivitet në formën e debatit ndërmjet ekspertëve të klimës dhe të rinjve, për të përmirësuar kapacitetin e rinisë për të marrë pjesë në veprime domethënëse për ndryshimet klimatike.(Pjesëmarrja në aktivitet është vetëm me ftesë. Mund të transmetohet në media sociale.) 10:00 – Hapja e Bootcamp-it mbi adresimin e diskriminimit gjinor dhe formave ndërsektoriale të diskriminimit - Hotel Adriatik, Durrës. Organizuar nga UN Women në kuadër të Programit të Përbashkët LNB. Një bootcamp me studentët e shkencave sociale për promovimin dhe adresimin e duhur të diskriminimit dhe disavantazheve të grupeve të caktuara. Gjithashtu, ky aktivitet do të përmirësojë njohuritë e studentëve mbi kuadrin ligjor , si dhe të institucioneve shqiptare që angazhohen drejtpërdrejt me këto çështje. (Pjesëmarrja në aktivitet është vetëm me ftesë. Mund të transmetohet në media sociale.) 11:00 – Dita e Promovimit të Gështenjave - Sheshi kryesor i Bajram Currit/ Organizuar nga FAO. Dita e Gështenjave festohet çdo vit në Tropojë, dhe këtë vit FAO do të organizojë një aktivitet për të promovuar produktet bujqësore vendase si një aspekt të rëndësishëm të mbështetjes së ekonomive lokale, arritjes së SDG-ve, qëndrueshmërisë dhe mirëqënies.(Aktivitet publik në sheshin kryesor të Bajram Currit) 12:00 - Qytete #WithRefugees: UNHCR në Gjirokastër - Bashkia Gjirokastër. Organizuar nga UNHCR dhe Bashkia Gjirokastër. Një ceremoni firmosje të zotimit #CitiesWithRefugees nga Kryebashkiaku i Gjirokastrës, pjesë e fushatës botërore të UNHCR-së e cila fton qytetet dhe autoritetet vendore për të promovuar gjithëpërfshirjen, mbështetjen e refugjatëve dhe bashkimin e komuniteteve për të firmosur një deklaratë solidariteti #WithRefugees.(Pjesëmarrja në aktivitet është vetëm me ftesë. Mund të transmetohet në media sociale.) 15:30 – Hapja e Javës së Paqes dhe “Forumi Rinor i Ballkanit Perëndimor: Aftësi për Paqe” - Hotel Xheko Imperial, Tiranë. Organizuar nga UN Association Albania. Forumi Rajonal Rinor i Paqes do të formojë një pjesë thelbësore të “Javës së Paqes 2023”, organizuar për vitin e dytë në vend, nën kuadrin e punës së iniciativës së UN Association Shqipëri për të lokalizuar dhe operacionalizuar Agjendën e Rinisë, Paqes dhe Sigurisë, në vend. (Pjesëmarrja në aktivitet është vetëm me ftesë. Mund të transmetohet në media sociale.) 24 tetor 2023 – Dita e Kombeve të Bashkuara Dita e OKB-së është momenti kryesor i Javës së OKB-së në Shqipëri 2023. Aktivitete të shumta do të zhvillohen në sheshin Skënderbej për të shënuar Ditën e OKB-së, për të treguar mbi rrugëtimin e marrëdhënies OKB-Shqipëri përmes një mini ekspozite; për të bërë thirrje për nevojën për veprime përshpejtuese për SDG-të, të tregojë mbi punën e sistemit të OKB-së në Shqipëri përgjatë 4 objektivave të Marrëveshjes Kuadër për arritjen e Zhvillimit të Qëndrueshëm mes OKB dhe Shqipërisë (UNSDCF 2022-26) dhe më shumë. Aktivitete kryesore: 11:00 - 11:50 – Aktivitet i Nivelit të Lartë për Ditën e OKB-së - Sheshi Skënderbej. Organizuar nga Kombet e Bashkuara në Shqipëri, Ministria e Kulturës dhe Ministria për Evropën dhe Punët e Jashtme. Dita e Kombeve të Bashkuara do të jetë momenti kryesor i Javës së OKB-së në Shqipëri 2023. Në skenën kryesore do të mbahen fjalime nga Koordinatorja e Përhershme e Kombeve të Bashkuara në Shqipëri , Ministrja e Kulturës dhe Zv. Ministrja për Evropën dhe Punët e Jashtme, për të vijuar më pas me një ekspozitë dhe një ditë të mbushur me aktivitete. (Pjesëmarrja në aktivitet është vetëm me ftesë. Do të transmetohet në media sociale.) 11:50 - 12:30 – Çelja e ekspozitës së Rrugëtimit të OKB-së dhe Shqipërisë - Një ekspozitë mbi Rrugëtimin e OKB-së dhe Shqipërisë, e përbërë nga katër tematika kryesore: (i) Trajektorja historike e marrëdhënieve mes Shqipërisë dhe OKB-së; (ii) Kontributet e entiteteve të OKB-së të cilat veprojnë në Shqipëri; (iii) Momente historike lidhur me miratimin e konventave kryesore të të drejtave të njeriut; (iv) trashëgimia kulturore e Shqipërisë si pjesë e trashëgimisë botërore e mbështetur nga OKB-ja. (Ekspozita do të jetë e hapur për publikun pas orës 12.30) 12:30 - 16:30 – Panairi i OKB-së - Një hapësirë ku agjencitë e OKB-së në Shqipëri do të shfaqin programet dhe veprimet e tyre të ndryshme. Disa aktivitete anësore do të ndodhin në një zonë konference të hapur. Prisni të shikoni prezantime dhe aktivitete të ndryshme artistike, një teatër kukullash, dhe shumë aktivitete të tjera interesante. (Të gjitha aktivitetet që do të ndodhin në Panairin e OKB-së janë të hapura për publikun) 13:00 – Të Kultivojmë të Nesërmen: Ceremonia e Çmimeve për Sipërmarrësit Bujqësorë - Organizuar nga FAO. Një ceremoni çmimesh që përqëndrohet te Sipërmarrësit e Rinj të sektorit të bujqësisë, të cilët kanë kryer një trajnim mbi zhvillimin e bujqësisë dhe aftësitë digjitale të tregut. 14:00 – Shfaqje teatrale me kukulla – Të edukohemi mbi Imunizimin dhe Mirëqënien - Organizuar nga OBSH. Një shfaqje për fëmijë mbi rëndësinë e edukimit mbi imunizimin dhe mirëqënien. 14:30-15:30 – Rikrijo të Shkuarën, Ndërto të Ardhmen - Organizuar nga UNOPS [EU4Culture]. Prezantim i një rasti studimor të suksesshëm mbi promovimin e turizmit kulturor, shtyrjen e ekonomisë vendore, dhe krijimin e të ardhurave për artizanët e Krujës dhe komunitetet vendore përmes programit të Granteve nga EU4Culture, zbatuar nga UNOPS. 15:30-16:30 – Fuqizimi përmes Vetëmbrojtjes - Organizuar nga UN Women. Ndarje e mjeteve të ESD-së dhe rritje e ndërgjegjësimit për rëndësinë e një komuniteti të sigurt për baraza gjinore, vetpërmbushje dhe vetkujdesje për gratë dhe vajzat. 16:30 – Mbyllja e Panairit të OKB-së 16:30-17:00 – Performancë e Ansamblit Folklorik Shqiponja - Ansambli Folklorik Shqiponja do të performojë në qendër të Tiranës, me një performancë plot me thesare të trashëgimisë tone të artit folklorik.(mbështetur nga Bashkia Tiranë) 17:00-17:30 - Performancë nga Pleqtë e Krujës - Koncerti nga grupi i njohur folklorik “Pleqtë e Krujës”, nga qyteti malor i Krujës do ju japë një mundësi që të përfshiheni në muzikën e pasur folklorike shqiptare dhe t’ju çojë pranë zemrës së traditës. Mos e humbisni këtë koncert magjepsës që premton një rrugëtim të paharrueshëm muzikor!(organizuar nga UNOPS) 17:30-18:00 - Performanca nga artistë refugjatë - Përmes kërcimeve tradicionale të stolisura me kostume popullore, muzikë të bukur dhe poezi të ndjere, refugjatët e rinj do të përfshijnë audiencën në përvojat e tyre jetësore.(organizuar nga UNHCR dhe Shërbimet Shqiptare për Refugjatë dhe Migrantë - RMSA) 18:00-18:30 – Le të luftojmë gjuhën e urrejtjes (performancë teatrale) - Shfaqje teatrale e hapur e një prej grupeve fitues të bootcamp-it rinor në Vlorë – Advokim/Veprim i të rinjve për të luftuar gjuhën e urrejtjes dhe për të ndërtuar paqe, besim dhe barazi. (Organizuar nga UNFPA dhe UNDP [projekt i mbështetur nga PBF] 19:00 - Çmimi SDG Business Pioneers Albania 2023: Festojmë Drejtuesit e Qëndrueshëm në Shqipëri - Muzeu Historik Kombëtar. Organizuar nga UNDP dhe Programi i Përbashkët Bashkëpunimi me Sipërmarrjen dhe Zgjidhje për SDG-të. Çmimi i SDG Business Pioneers ka qëllim të njohë dhe të vlerësojë kompanitë që kanë treguar angazhim të veçantë ndaj qëndrueshmërisë dhe kanë kontribuuar në arritjen e Objektivave të Zhvillimit të Qëndrueshëm të Kombeve të Bashkuara. (Pjesëmarrja në aktivitet është vetëm me ftesë. Mund të transmetohet në media sociale.) Këto janë disa nga aktivitet e planifikuara të ndodhin në tendat përkatëse përgjatë panairit: Zotimi im për Tokën [Organizuar nga UNDP] Të Rinjtë dhe Mjedisi: Youth4AirQuality [Organizuar nga UNICEF dhe Qendra EDEN] Ndërgjegjësim për Shëndetin Mendor [Organizuar nga UNICEF dhe UN Association Albania] 25.10 – OKB-ja shkon në Shkodër Shënim i rëndësishëm: Për shkak të parashikimeve për mot të paqëndrueshëm jemi duke konsideruar disa ndryshime dhe rregullime të programit në Shkodër. Ju lutem vizitoni sërish këtë faqe t'u njohur me programin e rifreskuar. Dita përmbyllëse e Javës së OKB-së 2023 do të ndodhë në Shkodër. Ky qytet me histori të pasur e plot me kulturë do të jetë mikpritësi jonë për një ditë të mbushur më aktivitete interesante e informuese, përgjatë gjithë ditës. Aktivitetet do të zhvillohen në sheshin përpara Bashkisë Shkodër. 10:00-10:30 – Ekipi vendor i Kombeve të Bashkuara në Shqipëri takohet me Kryebashkiakun dhe autoritete lokale e Shkodrës 10:30 – Hapja e Panairit të OKB-së në Shkodër (Të gjitha aktivitetet që do të ndodhin në Panairin e OKB-së janë të hapura për publikun) Një hapësirë ku do të zhvillohen aktivitete të ndryshme anësore, të organizuara nga Agjencitë tona të OKB-së. Punime artistike, një shfaqje teatrale me kukulla, produkte bujqësore nga fermerë vendas dhe shumë aktivitete të tjera interesante, do bëjnë që dita jonë në Shkodër të mbahet mend gjatë. 11:00-12:00 – Nxënësit e katër shkollave profesionale në Shkodër prezantojnë përvojën e tyre nga programi "Boost skills" i mbështetur nga UNICEF - Përvoja të ndryshme nga nxënësit e shkollave profesionale do të prezantohen në kuadër të programit për Arsimin Profesional të UNICEF. 11:30-12:30 – Thyerja e pengesave ndaj drejtësisë gjithëpërfshirëse - Organizuar nga UNDP. Një aktivitet që përqëndrohet në thyerjen e pengesave ndaj drejtësisë gjithëpërfshirëse dhe programin e promovimit të këshillimit ligjor falas për grupet vulnerabël. 12:30-13:00 – Shfaqje teatrale me kukulla - Edukimi mbi Imunizimin dhe Mirëqënien - Organizuar nga OBSH. Një shfaqje për fëmijë mbi rëndësinë e edukimit mbi imunizimin dhe mirëqënien. 13:00-14:00 – Performancë muzikore nga fëmijët e Qendrës Kulturore të Fëmijëve Shkodër -Performanca nga artistë të rinj nga Shkodra. 14:00 – Mbyllja e Panairit të OKB-së 14:30-16:00 – Vizita/takime me përfitues nga programet e ndryshme të agjencive të OKB-së në Shkodër. - Vizitë në projektin BiblioTech nga UNICEF, si pjesë e muajit të ndërgjegjësimit kundër trafikimit. Vizitë në projektin e UNFPA në maternitetin e qytetit Këto janë disa nga aktivitet anësore të planifikuara të ndodhin në tendat përkatëse përgjatë panairit: Panair produktesh bujqësore nga fermerë të zonës së Malësisë së madhe, si dhe fermerë të tjerë të cilët mund të ftohen nga Bashkia e Shkodrës [Organizuar nga FAO me mbështetjen e Bashkisë Shkodër] Panairi i Trashëgimisë Kulturore (artizanët prezantojnë punëtori mbi qëndisjen dhe poçarinë për fëmijë) [Organizuar nga UNOPS në kuadër të Programit EU4Culture] Zotimi im për Tokën [Organizuar nga UNDP] OKB-ja në Shkodër Për shkak se në Shkodër moti është parashikuar i paqëndrueshëm, ky është programi i ri për Ditën e OKB-së në Shkodër: 13:00 – 13:30 - OKB-ja takon Kryetarin e Bashkisë 13:30 – 14:30 - Takime me përfitues të programeve (BiblioTech e UNICEF dhe Materniteti i UNFPA-së) 14:00 - 14:30 - Shfaqje teatrale me kukulla - Një shfaqje për fëmijët mbi rëndësinë e edukimit mbi imunizimin dhe mirëqënien. Organizuar nga OBSH. [Vendi: Holli i Bashkisë Shkodër] 15:30 – 15:35 - Hapja e Panairit të OKB-së – Fjalë përshëndetëse nga Kryetari i Bashkisë Shkodër, Z. Benet Beci dhe Koordinatorja e Përhershme e OKB-së në Shqipëri Zj. Fiona McCluney [Vendi: Holli i Bashkisë Shkodër]
15:35 – 17:00 – Panairi i OKB-së dhe aktivitete të agjencive + koncert artistik në ambientet e Bashkisë Shkodër. [Vendi: Holli i Bashkisë Shkodër] 17:00 - Përmbyllje e aktiviteteve

Lexo më tepër

1 prej5

Njoftimi për media

08 qershor 2022

Shqipëria dhe OKB-ja ripërtërijnë angazhimin se do të punojnë së bashku për zhvillimin e qëndrueshëm në pesë vitet e ardhshme

Qeveria e Republikës së Shqipërisë dhe Ekipi i Kombeve të Bashkuara në Shqipëri njoftuan këtë të hënë, ripërtëritjen e angazhimit të tyre ndaj një programi të përbashkët pune për pesë vitet e ardhshme, ndërsa Zëvendëskryeministri Arben Ahmetaj dhe Koordinatorja e Përhershme e Kombeve të Bashkuara Fiona McCluney firmosën Kuadrin e Bashkëpunimit për Zhvillim të Qëndrueshëm 2022-2026. Ceremonia e nënshkrimit u zhvillua gjatë një aktiviteti dy-temësh që shënoi 76-vjetorin e OKB-së, mbajtur në Pallatin e Brigadave në Tiranë. Takimi u organizua nga Ministria e Evropës dhe Punëve të Jashtme, Zyra e Zëvendëskryeministrit të Republikës së Shqipërisë dhe Zyra e OKB-së në Shqipëri, me pjesëmarrjen e partnerëve kyç të zhvillimit në vend. Në frymën e Ditës së OKB-së dhe prezantimit të raportit të fundit të Sekretarit të Përgjithshëm për ‘Axhendën e Përbashkët’, me synim forcimin e qeverisjes për brezat e sotëm dhe të ardhshëm, Zëvendëskryeministri dhe Bashkëkryetari i Komitetit të Përbashkët Ekzekutiv Shqipëri-OKB Arben Ahmetaj njoftoi se Qeveria dhe sistemi i OKB -së në Shqipëri kanë rënë dakord për një Kuadër të ri Bashkëpunimi (KB) i cili do të fillojë këtë janar dhe do të zgjasë deri në vitin 2026. Kuadri i ri i Bashkëpunimit bazohet në përparësitë kryesore të Shqipërisë, anëtarësimin në Bashkimin Evropian dhe përmbushjen e zotimit kombëtar ndaj Axhendës së OKB-së për Zhvillim të Qëndrueshëm deri në vitin 2030 dhe objektivat e saj të nacionalizuara për OZHQ-të, me fokus tek shëndetësia dhe arsimi cilësor, mirëqeverisja dhe sundimi i ligjit, ofrimi i shërbimeve publike si dhe përgjigjja ndaj pandemisë COVID-19 dhe rimëkëmbja efektive. Kuadri i Bashkëpunimit synon angazhimin e një shumë prej 282 milionë USD për ciklin e plotë. Në fjalën e tij mbajtur në ceremoninë e nënshkrimit, z. Ahmetaj vlerësoi bashkëpunimin aktual midis Shqipërisë dhe OKB-së dhe premtoi mbështetje të vazhdueshme për bashkëpunimin me OKB-në: “Ndërsa përfundojmë një cikël të suksesshëm të punës së përbashkët me agjensitë e OKB-së në Shqipëri, jemi të gatshëm të ripërtërijmë angazhimin tonë drejt zhvillimit të qëndrueshëm” – tha ai. Në emër të nëntëmbëdhjetë agjensive dhe programeve të OKB-së me përfaqësi ose jo në Shqipëri, Koordinatorja e Përhershme e OKB-së Fiona McCluney përsëriti fushat kryesore të punës së Kuadrit të ri të Bashkëpunimit dhe urgjencën për veprim në arritjen e Objektivave të Zhvillimit të Qëndrueshëm: “Në zemër të veprimit tonë të përbashkët është angazhimi ynë për të luftuar varfërinë, për të promovuar të drejtat e njeriut dhe barazinë gjinore, për të mbrojtur mjedisin dhe për të trajtuar ndryshimet klimatike e mbështetur reformat ekonomike dhe sociale”, vuri në dukje ajo (lexoni fjalimin e plotë këtu). Dita e OKB -së festohet në mbarë botën më 24 tetor të çdo viti për të shënuar përvjetorin e hyrjes në fuqi të Kartës së OKB-së në vitin 1945. Me ratifikimin e këtij dokumenti themeltar u krijua zyrtarisht Organizata e Kombeve të Bashkuara. Këtë vit festimet e ditës së OKB -së në Shqipëri mbahen ndërsa Shqipëria merr mandatin në Këshillin e Sigurimit të OKB -së për dy vitet e ardhshme. Sipas fjalëve të Ministres së Evropës dhe Punëve të Jashtme, Shkëlqesisë së Saj Olta Xhaçka, e cila mbajti fjalimin kryesor në këtë aktivitet, mandati në Këshillin e Sigurimit “është një arritje prestigjioze që tregon se çfarë pjekurie ka arritur diplomacia shqiptare dhe që njeh rolin konstruktiv të vendit tonë përsa i përket çështjeve të sigurisë, stabilitetit e zhvillimit”. Sh.S. Xhaçka vlerësoi rolin e sistemit të OKB-së në Shqipëri në çuarjen përpara të angazhimeve ndaj Objektivave të Zhvillimit të Qëndrueshëm të OKB-së. Shikoni një video të shkurtër që tregon disa nga arritjet e bashkëpunimit Shqipëri-OKB dhe rrugën përpara: *** Më shumë detaje teknike mbi Kuadrin e Bashkëpunimit Shqipëri-OKB për Zhvillimin e Qëndrueshëm 2022-2026 Më 1 janar 2022, hyn në fuqi një Kuadër i ri Bashkëpunimi Shqipëri-OKB. Ai ofron një mundësi të jashtëzakonshme për të arritur përmbushjen e Axhendës së vitit 2030 dhe treguar rezultate konkrete në terren për popullin shqiptar. Ky Kuadër Bashkëpunimi për Zhvillim të Qëndrueshëm (KB) mes Qeverisë së Republikës së Shqipërisë dhe sistemit të OKB-së, mbështetet nga përparësitë e vendit: Strategjia Kombëtare për Zhvillim dhe Integrim (SKZHI) me objektiva dhe synime të nacionalizuara për Objektiva të përzgjedhur të Zhvillimit të Qëndrueshëm (OZHQ-të); Gjashtë përparësitë e vizionit të ri të Qeverisë “Shqipëria 2030”; Integrimi në Bashkimin Evropian (BE); Angazhimet e Shqipërisë për të drejtat e njeriut dhe objektivat e tjera të miratuar të zhvillimit ndërkombëtar dhe rajonal dhe detyrimet ndaj traktateve. Përparësia Strategjike A. Zhvillimi i kapitalit njerëzor dhe përfshirja sociale Rezultati A: Deri në vitin 2026, ka investime të shtuara dhe më të drejta për njerëzit, duke larguar pengesat dhe krijuar mundësi për ata që rrezikojnë të mbeten të përjashtuar Përparësia Strategjike B. Rritje ekonomike e gjelbër, e qëndrueshme dhe me përshtatshmëri ndaj ndryshimeve dhe menaxhim i burimeve Rezultati B. Deri në vitin 2026, zgjidhje politikash novative dhe të integruara përshpejtojnë zhvillimin ekonomik, produktiv, dhe të qëndrueshëm, duke rritur nivelin e përshtatshmërisë ndaj ndryshimeve klimatike dhe zbutjen e pasojave të tyre, si dhe kalimin në një ekonomi më të gjelbër dhe blu Përparësia Strategjike C. Qeverisje efektive me fokus tek njerëzit, sundimi i ligjit, të drejtat e njeriut dhe barazia gjinore Rezultati C1. Deri në vitin 2026, qeverisja është më transparente dhe llogaridhënëse, duke mundësuar që njerëzit (gratë dhe vajzat, burrat dhe djemtë, dhe personat në rrezik përjashtimi) të gëzojnë shërbime gjithëpërfshirëse cilësore, sundim më të përmirësuar të ligjit dhe qasje në shërbimet e drejtësisë në përputhje me angazhimet që Shqipëria ka në fushën e të drejtave të njeriut Rezultati C2. Deri në vitin 2026, qeverisja me përgjegjshmëri gjinore, forcon barazinë dhe mos-diskriminimin, nxit fuqizimin e grave dhe të drejtat e njeriut, dhe ul dhunën ndaj grave dhe fëmijëve.

Lexo më tepër

1 prej5

Fjalim

20 qershor 2022

Fjalim nga Koordinatorja e Përhershme e Kombeve të Bashkuara, Fiona McCluney, në Konferencën Kombëtare “Sfidat e përbashkëta dhe rrugët e reja në luftën kundër korrupsionit: digjitalizimi si një instrument antikorrupsion”

Të nderuar shkëlqesi, ambasadorë, kolegë dhe miq, Së pari, më lejoni të falënderoj ministren Milva Ikonomi që më ftoi të jem folëse kryesore në këtë sesion dhe për rolin e saj si ministre përgjegjëse në organizimin e kësaj konference kaq të rëndësishme. Jam shumë e lumtur të jem sot këtu me ju, në këtë event tejet domethënës, për të diskutuar rreth rezultateve dhe nevojës për punë dhe partneritete të përbashkëta në luftën kundër korrupsionit në shoqërinë shqiptare. Pikë së pari, do të dëshiroja të përgëzoja Qeverinë e Shqipërisë për prezantimin e një panorame të plotë dhe inkurajuese të progresit të shënuar gjatë vitit 2021, dhe të situatës së ndershme dhe realiste të sfidave që na presin. OKB-ja është e lumtur dhe krenare që ka kontribuar për realizimin e masave kyç lidhur me luftën dhe parandalimin e korrupsionit, duke nënvizuar se ky kontribut është mundësuar nëpërmjet partneritetit me disa partnerë zhvillimi dhe bashkëpunimit të ngushtë me institucionet e qeverisjes qendrore dhe vendore. Objektivat e Zhvillimit të Qëndrueshëm (OZHQ) bëjnë një lidhje të qartë të korrupsionit dhe shoqërive paqësore, të drejta dhe gjithëpërfshirëse. OZHQ 16 dhe synimet e saj të reduktimit të mitëmarrjes/mitëdhënies, forcimit të institucioneve, dhe aksesit në informacion nuk janë vetëm aspirata të vyera në vetvete, por edhe kushte të nevojshme për arritjen e të 17 objektivave. Nga pikëpamja njerëzore, liritë, zgjedhjet dhe mundësitë e njerëzve vazhdojnë të cenohen nga praktikat korruptive që shtrembërojnë shpërndarjen e të ardhurave dhe vendimet për shpenzimet publike. Korrupsioni gërryen besimin e njerëzve tek institucionet publike, cenon shtetin e së drejtës, dëmton sistemet e kontrollit dhe balancës, dhe sjell dhunë dhe pasiguri. Për Shqipërinë, lufta kundër korrupsionit është një çështje e ngutshme për të forcuar shtetin e së drejtës. Megjithatë, është një prioritet kyç edhe në kuadër të integrimit të vendit në BE. Gjithashtu, ruajtja e integritetit dhe zbatimi i masave sistematike kundër korrupsionit janë jetike në kontekstin e reformave në administratën publike. Jam e kënaqur që në këtë sesion kemi mundësinë të shohim rolin specifik të medias dhe shoqërisë civile në luftën kundër korrupsionit. Duke qenë një dukuri komplekse dhe shumështresore, është thelbësore që të merren në konsideratë aktorë dhe pikëpamje të ndryshme. Promovimi i një mjedisi mundësues është thelbi i mirëqeverisjes dhe shtetit të së drejtës. Siç dëgjuam edhe këtë mëngjes nga Nick Thus nga SIGMA mbi rëndësinë e sistemeve rritëse dhe zbritëse të llogaridhënies dhe transparencës së ndërsjellë. Dhe me mjedis mundësues unë nënkuptoj media të pavarura, të lira dhe pluraliste, si dhe shoqëri civile aktive dhe të angazhuar. Media dhe shoqëria civile mund të kontribuojnë për të siguruar transparencë dhe llogaridhënie, për të promovuar pjesëmarrje në diskutime publike dhe politike, dhe për të nxitur procese demokratike. Ato mund të luajnë një rol kyç në luftën kundër korrupsionit, nëpërmjet monitorimit dhe raportimit. Megjithatë, nuk duhet të harrojmë se kërkimi i transparencës dhe llogaridhënies mund të sjellë edhe risk personal. Në 3 majin e shkuar, me rastin e Ditës Botërore të Lirisë së Shtypit, unë bëra një deklaratë të përbashkët me Shefin e Prezencës së OSBE-së në Shqipëri, Ambasadorin Vincenzo Del Monaco. Në veçanti, ne theksuam mënyrat e shumta sipas të cilave gazetaria rrezikohet nga mbikëqyrja dhe sulmet me ndërmjetësim digjital mbi gazetarët, dhe pasojat e besimit të publikut te komunikimet digjitale. Epoka digjitale ka krijuar një mjedis të vrullshëm zhvillimi, i cili megjithëse nga njëra anë ka demokratizuar aksesin në informacion dhe ka rritur shkëmbimet ndërkufitare, nga ana tjetër ka ndikuar tek e drejta për privatësi, dhe në shumë rrethana i vendos punonjësit e medias dhe burimet e tyre në rrezik të madh për t’u shënjestruar, për t’u ngacmuar dhe për t’u sulmuar. Prandaj, profesionistët e medias dhe gazetarët duhet të mbrohen për të kryer punën e tyre thelbësore të lirshëm dhe të sigurt. Duke qenë se digjitalizimi, si një instrument antikorrupsion, është një nga temat kryesore të kësaj konference, unë besoj se kjo është një vërejtje e rëndësishme për t’u bërë. Tani, më lejoni t’u kthehem disa pikave konkrete lidhur me atë çfarë bëjmë ne si OKB në Shqipëri për antikorrupsionin. UNODC-ja, Zyra e OKB-së për Drogën dhe Krimin, me seli në Vjenë, qershorin e shkuar mbështeti Ballkanin Perëndimor, duke përfshirë edhe Shqipërinë, në hartimin dhe miratimin e një Udhërrëfyesi Rajonal me temë “Antikorrupsioni dhe Financimet e Paligjshme” (qershor 2021). Ky dokument strategjik përqendrohet te tri qëllime kryesore/fusha prioritare për rajonin: 1) parandalimi dhe luftimi i korrupsionit në prokurimin publik, diçka që u trajtua më herët gjatë paradites. 2) forcimi i të kuptuarit të konfliktit të interesit dhe i sistemeve të deklarimit të pasurisë, dhe krijimi i një rrjeti rajonal të prokurorëve të specializuar, zbatimi i ligjit, dhe së fundi 3) agjencitë e inteligjencës financiare, si përgjigje ndaj korrupsionit dhe krimit ekonomik. Udhërrëfyesi përcakton kuadrin e monitorimit dhe vendosjes së qëllimeve, dhe veprime specifike e trajnim për t’i çuar përpara këto qëllime. Mbështetja e Programit të Kombeve të Bashkuara për Zhvillim, UNDP, në luftën kundër korrupsionit është mjaft e dukshme në dy nisma: e para lidhur me promovimin e Planeve të Integritetit, dhe e dyta lidhur me kryerjen e sondazhit vjetor të opinionit “Besimi në Qeverisje”. Kjo punë lidhet drejtpërdrejt me rolin e shoqërisë civile, si dhe të medias, ose siç po diskutojmë në këtë panel, pushtetin e njerëzve të zakonshëm për llogaridhënien nëpërmjet rolit të shoqërisë civile dhe medias, i cili konsiderohet një faktor i rëndësishëm. Planet e integritetit përfshijnë një set masash parandaluese kundër korrupsionit, të cilat trajtojnë rreziqet e identifikuara që mund të favorizojnë sjelljen korruptive të nëpunësve civilë. Planet e integritetit kanë si synim të krijojnë një kulturë të menaxhimit publik që përcakton etikën dhe integritetin si gurë themeli të mirëqeverisjes. • Instituti për Demokraci dhe Ndërmjetësim nga shoqëria civile dhe Ministria e Drejtësisë, në cilësinë e Koordinatorit Kombëtar Antikorrupsion, ishin partnerët kryesorë gjatë pilotimit të gjashtë Planeve të Integritetit dhe miratimit të metodologjisë së vlerësimit të riskut. • Kjo përvojë u zhvillua në vitin 2020 me miratimin e metodologjisë për institucionet publike qendrore dhe me zhvillimin e planifikimit të integritetit për Ministrinë e Drejtësisë, duke përfaqësuar institucionin e parë qendror që zbaton këtë standard. • UNDP-ja ka mbështetur shtrirjen e mëtejshme të kësaj praktike gjatë vitit 2022 në ministritë e linjës, duke përfshirë Ministrinë e Arsimit dhe Sportit, të Kulturës, të Punëve të Jashtme, dhe Integrimit në BE, të Infrastrukturës dhe Energjisë, si dhe të Turizmit dhe Mjedisit, dhe vazhdon të punojë në nivelin vendor për të zgjeruar përvojën e planifikimit të integritetit në 14 bashki të tjera, duke krijuar një masë kritike për një standard kombëtar dhe përputhshmëri. • Deri më sot, 14 bashki kanë një Plan Integriteti të miratuar nga këshillat bashkiakë përkatës, dhe 6 bashki të tjera janë në fazën e finalizimit të planeve të tyre. Gjithashtu, UNDP-ja dhe IDM-ja po punojnë për zhvillimin e Indeksit të Integritetit, i cili me gjasë do të shërbejë si një instrument për monitorimin e nivelit të integritetit institucional dhe të performancës antikorrupsion. Produkti tjetër përkatës i UNDP-së është Sondazhi vjetor i Opinionit “Besimi në Qeverisje”. Sondazhi i Opinionit “Besimi në Qeverisje”, i cili kryhet që prej vitit 2013, është një instrument që i jep zë asaj që mendojnë njerëzit, duke mundësuar monitorimin e përvitshëm të besimit dhe perceptimeve të publikut për qeverisjen dhe angazhimin qytetar në Shqipëri. Nëpërmjet një metodologjie të mirëprovuar, ai eksploron perceptimet dhe qëndrimet e publikut lidhur me besueshmërinë e institucioneve publike, transparencën institucionale dhe llogaridhënien, korrupsionin, ndikimin politik, nivelin e angazhimit qytetar në politikëbërje dhe vendimmarrje, kënaqshmërinë me ofrimin e shërbimit publik, gjininë dhe përfshirjen sociale. Informimi i rregullt i publikut duhet të ofrojë evidenca për të parë ndryshimet në qëndrimet dhe perceptimet lidhur me korrupsionin. Përpara se të përfundoja këtë fjalim, u hodha një sy të shpejtë sondazheve, të cilat janë online, dhe është interesant fakti që media dhe shoqëria civile perceptoheshin si institucionet kryesore që i kërkojnë llogari qeverisë. Sondazhi i vitit 2021 do të publikohet së shpejti, dhe unë nxis këdo që ta shohë këtë burim informacioni që evidenton se si ndryshojnë prirjet në perceptimet e performancës nga institucione të ndryshme. Forma e analizës së prirjeve, që mundëson Sondazhi i Opinionit “Besimi në Qeverisje”, ofron një burim të dobishëm për raportim nga media ose një referencë për shoqërinë civile për rishikimin e politikave, planifikimin e ndërhyrjeve, dhe zbatimin e vlerësimin e rezultateve në terren. Faleminderit për vëmendjen që iu kushtuat këtyre pikave të përgjithshme! Përpara se të kthehem te bashkëfolësit, do të dëshiroja të nënvizoja edhe një herë rolin kyç që kanë media dhe shoqëria civile për të çuar përpara agjendën antikorrupsion, që theksohet tek OZHQ 16, si dhe për punën e hollësishme lidhur me rrugën e aderimit të Shqipërisë në BE. Në fakt, njësoj si tema e këtij sesioni: “Është pushteti që kanë njerëzit e zakonshëm ai që i mban drejtuesit dhe institucionet të përgjegjshëm”, do të thosha se “zëri i njeriut të zakonshëm” dhe roli investigativ i medias janë dhe do të vazhdojnë të jenë faktorë kyç edhe në të ardhmen. Faleminderit për mundësinë për të dhënë kontributin tim në këtë takim dhe pres me padurim të dëgjoj diskutime të tjera të pasura gjatë kësaj konference.

Lexo më tepër

1 prej5

Njoftimi për media

08 qershor 2022

Shqipëria dhe OKB-ja ripërtërijnë angazhimin se do të punojnë së bashku për zhvillimin e qëndrueshëm në pesë vitet e ardhshme

Lexo më tepër

1 prej5

Reportazh

31 tetor 2023

Java e Kombeve të Bashkuara 2023 – një festim i veçantë për të promovuar paqen, të drejtat e njeriut dhe zhvillimin e qëndrueshëm.

Në zemrën e Shqipërisë, të një kombi të zotuar plotësisht ndaj idealeve të Kombeve të Bashkuara, u shpalos një javë festimesh dhe bashkëpunimi– Java e Kombeve të Bashkuara 2023, pjesë e javëve kulturore ndërkombëtare në Shqipëri, të koordinuara nga Ministria e Kulturës dhe,Ministria për Evropën dhe Punët e Jashtme, si bashkëpunëtori kyç i OKB-së në Shqipëri. Java e OKB-së në Shqipëri u zhvillua nga data 23 deri më 25 tetor 2023.
Këtu mund të lexoni programin. Nga festimet e Ditës së OKB-së, panairi i OKB-së, ekspozita mbi marrëdhënien OKB dhe Shqipëri, dhe shfaqjet muzikore folklorike në sheshin Skënderbej, deri te atmosfera e ngrohtë brenda Bashkisë së Shkodrës, nga debatet e gjalla mbi klimën në auditore e deri te ceremonia e çmimeve SDG Pioneers, këto ditë sollën në fokus nevojën për bashkëpunim dhe urgjencën për përshpejtimin e veprimeve mbi SDG-të. Mes kulturave të shteteve të ndryshme të shfaqura përgjatë javëve kulturore ndërkombëtare në Shqipëri, OKB-ja solli dicka të veçantë. Në fjalët e Koordinatores së Përhershme të OKB-së Fiona McCluney: "OKB-ja promovon kulturën e paqes dhe bashkëpunimit, kulturën e të drejtave të njeriut, të mbrojtjes sociale dhe arsimit, kulturën e mbrojtjes sociale dhe veprimit për klimën, dhe mbrojtjen e biodiversitetit. Dhe nëse do të vijoja të numëroja, numri i saktë do të ishte ai i 17 Objektivave që ne i quajmë Objektivat e Zhvillimit të Qëndrueshëm – ose SDG-të – me përqëndrim kyç mbi kulturën e paqes dhe bashkëpunimit." Java e Kombeve të Bashkuara 2023 ishte skena e duhur për të folur mbi rëndësinë e paqes dhe bashkëpunimit për t’i dhënë fund krizave të tmerrshme që po përjeton bota. Ishte skena për të njohur vlerat e Shqipërisë si shtet anëtar i OKB-së dhe (aktualisht) si një anëtare jo e përhershme e Këshillit të Sigurimit të OKB-së, duke promovuar paqen dhe bashkëpunimin. Ishte skena për të folur mbi SDG-të dhe nevojën për të përshpejtuar veprim, dhe vendi për të njohur rezultatet që janë arritur në Shqipëri falë punës dhe bashkëpunimit të agjencive të OKB-së me autoritetet lokale dhe partnerët e zhvillimit. Dita 1: Dita e SDG-ve 23 tetori 2023 shënjoi nisjen e Javës së OKB-së në Shqipëri, një ditë e përkushtuar specifikisht dialogut dhe thirrjes për veprim për Objektivat e Zhvillimit të Qëndrueshëm, nën siglën e Ditës së SDG-ve. Ftesat u dërguan në platforma të ndryshme digjitale për individët kudo që ndodhen, duke iu bërë thirrje për të marrë pjesë në këtë moment të rëndësishëm. Qëllimi i përgjithshëm ishte i qartë: për të kuptuar, për t’u frymëzuar, dhe mbi të gjitha, për të nxitur ndërmarrjen e veprimeve në mbështetje të SDG-ve. Agjencitë e OKB-së dhe partnerët kishin planifikuar aktivitete të ndryshme përgjatë vendit lidhur me kulturën, klimën, barazinë gjinore, paqen dhe bashkëpunimin. Në aktivitetin e parë të ditës, Koordinatorja e Përhershme Fiona McCluney foli në punëtorinë e Trashëgimisë Kulturore – një përpjekje e përbashkët e UNESCO-s dhe Ministrisë së Kulturës në Shqipëri. Nisma e tyre e përbashkët kishte si qëllim përforcimin e kapaciteteve të rrjetit botëror të facilitatorëve të UNESCO-s, në përputhje me parimet e Konventës së 2003-it për Trashëgiminë Kulturore Jomateriale. Në ambientin rrethues u ndje një angazhim i sinqertë në drejtim të ruajtjes së sixhadesë së larmishme kulturore në botë. Fakulteti i Histori-Filologjisë në Tiranë u bë qendra e një diskutimi të fuqishëm rinor të përqëndruar rreth Ambicieve Klimatike. Debati i kthjellët nxiti mendimet e pjesëmarrësve të rinj, duke i krijuar mundësinë që të thonë fjalën e tyre mbi çështjet e klimës. Ky aktivitet ishte një testament i përpjekjeve të përbashkëta të Ambasadës së Spanjës në Shqipëri, Universitetit të Tiranës, UNDP-së dhe UNOPS-it në Shqipëri në punën mbi SDG 13 dhe SDG 17. Teksa pasditja afrohej, vëmendja u drejtua nga SDG 5: Barazi Gjinore. UN Women hapi siparin e një aktiviteti në formën e një bootcamp-i për të rinjtë studentë të shkencave sociale nga Durrësi. Me një qëllimi të qartë, aktiviteti synoi përmirësimin e kapaciteteve të studentëve në trajtimin e diskriminimit, përforcimin e njohurive të tyre ligjore dhe aftësive të tyre në kuadrin e politikave gjinore. Në orën 1 të pasdites, rrugëtimi na drejtoi në sheshin qëndror të Bajram Currit, në një aktivitet festiv, ku qyteti përkujtoi Ditën e Promovimit të Gështenjave. Organizata e Ushqimit dhe Bujqësisë (FAO) u bashkua në këtë festë, duke theksuar rolin e rëndësishëm të bujqësisë lokale në spektrin e gjerë të zhvillimit të qëndrueshëm. Ky rast shërbeu dhe si një kujtesë mbi lidhjen thelbësore mes ekonomive të lokalizuara dhe kufirin e gjerë të qëndrueshmërisë. Në orën 2 të pasdites, UNHCR-ja na dërgoi një lajm inkurajues nga Gjirokastra. Qyteti jugor përqafoi me gjithë zemër fushatën ‘Qytete Me Refugjatët’, duke theksuar rëndësinë e nxitjes së komuniteteve gjithëpërfshirëse. Mesazhi ishte mëse i qartë: bashkëpunimi dhe gjithëpërfshirja qëndruan si gur themeltar i parimeve në këtë nismë për të krijuar një të ardhme më të mirë. Teksa pasditja afrohej, UN Association Shqipëri çeliForumin Rajonal të Paqes në Tiranë, një pjesë integrale e Javës së Paqes 2023. Ky forum i dha zë Agjendës për Rininë, Paqen dhe Sigurinë, duke njohur rolin thelbësor që brezi i ri luan në formimin e një botë të karakterizuar nga qetësia. Dita 2: Dita e Kombeve të Bashkuara Dita nisi me një aktivitet të nivelit të lartë mbi Ditën e OKB-së në sheshin Skënderbej, në zemër të Tiranës. Përveç pjesëmarrjes fizike, ky aktivitet u transmetua drejtpërsëdrejti për të gjithë ata që dëshironin të bashkoheshin virtualisht në festimin e kësaj dite. Një video mesazh i Sekretarit të Përgjithshëm Guterres, projektuar në murin LED qëndror,krijoi ambientin për atë çka do e ndiqte: Ministrja e Kulturës Elva Margariti, Zv. Ministrja për Evropën dhe Marrëdhëniet me Jashtë Artemis Malo, dhe Koordinatorja e Përhershme e OKB-së Fiona McCluney folën për audiencën. Eventi u moderua nga Delegatët Rinorë të Shqipërisë në OKB, të cilët ndanë dhe përvojën e tyre pas pjesëmarrjes në Asamblenë e Përgjithshme të OKB-së. Në fund të këtij eventi, Koordinatorja e Përhershme McCluney zbuloi Ekspozitën e Rrugëtimit të OKB-së me Shqipërinë, një testament i historisë, kulturës dhe diplomacisë së përbashkët mes OKB-së dhe Shqipërisë. Në festimet e Ditës së OKB-së morën pjesë përfaqësuesit më të lartë të Shqipërisë dhe të partnerëve ndërkombëtarë. Ndërsa ora shënjoi 1, Panairi i OKB-së mori jetë. Njerëzit entuziastë u angazhuan menjëherë me stendat dhe ekranet ndërvepruese, të nxitur nga dëshira për të mësuar e për të marrë pjesë. Evente të shumta dytësore i shtuan kuptimin ditës. Fëmijët patën kënaqësinë të ndiqnin në shfaqje të veçantë teatrale me kukulla, në një bashkëpunim mes OBSH-së dhe artistëve vendas. Përmes përformancave të bukura dhe angazhuese, u theksuan roli jetësor i edukimit mbi imunizimin dhe mirëqënien e përgjithshme. Eventi anësor i FAO-s nderoi me çmime sipërmarrësit e rinj të sektorit të bujqësisë, duke dhënë mesazhe pozitive mbi të ardhmen e e bujqësisë dhe inovacionit në Shqipëri. Pasditja solli një prezantim interesant nga UNOPS mbi suksesin e turizmit kulturor në Krujë, të fuqizuar nga Grantet e UNOPS-it dhe EU4Culture. Rastet studimore ishin një testament për fuqinë shndërruese të turizmit të qëndrueshëm. Fuqizimi i grave ‘pushtoi’ skenën qëndrore teksa UN Women Shqipëri dhe partnerët e saj ndanë me pjesëmarrësitaftësi dhe mësime tepër të rëndësishme të vetë-mbrojtjes. Ata theksuan rëndësinë e komuniteteve të sigurta për barazi gjinore dhe vetë-kujdesje, duke dhënë një mesazh mbi fuqinë e bashkëpunimit. Ndërsa dielli filloi të perëndonte, zemra e Tiranës gëzonte nga ritmet e bukura të kthyera në kërcim përmes ansamblit folklorik Shqiponja, të mbështetur nga Bashkia Tiranë. Performanca ishte një vlerësim për trashëgimin e pasur folklorike të Shqipërisë, një festim i traditës dhe i kulturës. Mbrëmja solli grupin folklorik Pleqtë e Krujës, të cilët sollën një fond të pasur të këngëve folklorike të Shqipërisë që bëri jehonë me zemrat e audiencës. Kjo shfaqje, e organizuar nga UNOPS, ishte një rrugetim i paharrueshëm i folklorit shqiptar. Ndërsa muzgu ra, skena u ndriçua nga artistë të rinj refugjatë, loja artistike e të cilëve ishin një testament i qëndresës dhe talentit. Talenti dhe pasioni i tyre la një shenjë në zemrat e të gjithë atyre që e ndoqën shfaqjen. Eventi në shesh përfundoi me një pikë kulmore, një performancë teatrale që advokon për paqe, besim dhe barazi, kundër gjuhës së urrejtjes. E organizuar nga UNFPA dhe UNDP, e mbështetur nga PBF, kjo ishte një thirrje për bashkëpunim dhe mirëkuptim. Partnerët tanë rinorë nga Grupi Këshillimor Rinor i OKB-së në Shqipëri (UNYAG) moderuan aktivitetet e pasdites. Pjestarë të tjerë të UNYAG-ut morën pjesë në evente të ndryshme anësore të cilat ishin pjesë të Javës së OKB-së në Shqipëri 2023. Mbyllja e madhe për Ditën e OKB-së në Tiranë ishte mbrëmja gala e Çmimeve SDG Business Pioneers në ambientet e Muzeut Historik Kombëtar të Shqipërisë. Drejtuesit e dedikuar ndaj qëndrueshmërisë u vlerësuan, dhe kontributetet e tyre ndaj SDG-ve u festuan në një mbrëmje mirënjohje dhe frymëzimi. Dita 3: Kombet e Bashkuara në Shkodër Shiu nuk mund ta ndalonte rrugëtimin e OKB-së drejt qytetit antik të Shkodrës, të pasur në histori e kulturë, ku histori të reja premtonin të shpaloseshin. Ekipi vendor i OKB-së u takua me Kryetarin e Bashkisë, z. Benet Beci, për të nisur një ditë të bukur të OKB-së në Shkodër. Në të njëjten ditë, UNICEF-i dhe Bashkia Shkodër firmosën një marrëveshje me qëllim mundësimin e programve dhe trajnimeve të ndryshme teknologjike të cilat do të fuqizojnë fëmijët e të rinjtë me aftësi të vlefshme për shekullin e 21-të, si pjesë e një projekti të quajtur “BiblioTech”. Dita në Shkodër ishte një mundësi e mire për të parë disa nga projektet e agjencive të OKB-së që zbatohen në qytet. Anëtarët e Ekipit Vendor të OKB-së patën mundësinë për të vizituar Projektin BiblioTech të UNICEF-it, pjesë e programit “Transformimi i përgjigjes kombëtare ndaj trafikimit të qenieve njerëzore në dhe nga Shqipëria”, i cili mbështetet nga qeveria e Mbretërisë së Bashkuar. Ekipi Vendor i OKB-së vizitoi gjithashtu maternitetin e qytetit, ku UNFPA po mbështet përmirësimin e kujdesit shëndetësor dhe standartizimin e shërbimeve të kujdesit prenatal. Panairi i OKB-së u vendos më pas në ambientet e Bashkisë Shkodër dhe shumë aktivitete e pasuan. Kjo video më poshtë përmbledh të gjithë ditën ne Shkodër. UNDP-ja pati një ndërveprim aktiv me qytetarët e Shkodrës me nismën e “Zotimi im për Tokën” për të treguar mbi nevojën urgjente për veprim klimatik. Gjithashtu, UNDP-ja shpalosi për audiencën projektin‘Thyerja e pengesave’qënxorri në pah nevojën si dhe punën e kryer për një drejtësi gjithëpërfshirëse. Ndërkohë, në këndin e Trashëgimisë Kulturore, një punë plot dashuri e organizuar nga UNOPS nën programin EU4Culture, tregoi punimet artistike të artizanëve vendas. Rëndësia e edukimit mbi imunizimin dhe mirqënien e përgjithshme u trajtuan bukur përmes një shfaqje teatrale me kukulla të organizuar nga OBSH-ja. Audienca rinore u kënaq dhe mësoi diçka mjaft të rëndësishme përmes një mediumi ndaj të cilit ata reaguan mjaft mirë. Nxënësit e shkollave të Arsimit dhe Trajnimit Profesional në Shkodër patën mundësinë për të ndarë projektet e tyre me Përfaqësuesin e UNICEF në Shqipëri, Dr. Roberto De Bernardi dhe Koordinatoren e Përhershme të OKB-së gjatë këtij turi të Javës së OKB-së. Një performancë artistike e jashtëzakonshme shënoi mbylljen e Ditës së OKB-së në Shkodër, duke përmbyllur kështu Javën e OKB-së në Shqipëri 2023 me një vlerësim mjaft pozitiv.

Lexo më tepër

1 prej5

Reportazh

15 shtator 2023

Asambleja e Përgjithshme e OKB-së 2023: Momenti i angazhimeve vendimtare për një të ardhme më të mirë

Albanian Daily News: Zj. McCluney, ju faleminderit që u treguat e disponueshme për këtë intervistë virtuale. Mendoj se është moment i përshtatshëm, pasi çdo shtator sytë e botës janë të drejtuar në Nju Jork ku udhëheqësit mblidhen në Asamblenë e Përgjithshëm të OKB-së për të folur gjatë Debatit të Përgjithshëm të Asamblesë dhe marrin pjesë në takime dhe evente të tjera ku diskutohen çështje të rëndësishme për botën. A mund t’u tregoni lexuesve se çfarë pritet të ndodhë këto ditë në Nju Jork? Koordinatorja e Përhershme e OKB-së në Shqipëri, Fiona McCluney: Z. Mlloja, ju falënderoj shumë për këtë mundësi për të informuar lexuesit për çka ndodh në Asamblenë e Përgjithshme të OKB-së në Nju Jork. Them se një pjesë e konsiderueshme e ngjarjeve lidhen me takimet anësore (side meetings) dhe takimet informale tete-a-tete. Mund të përmend këtu dhe takimin e pritshëm mes Sekretarit të Përgjithshëm Guterres dhe kreut të Delegacionit shqiptar në OKB, ku, megjithëse unë nuk jam palë pjesëmarrëse, mund të them se them se ka dy mesazhe kryesore që Sekretari i Përgjithshëm Guterres i ka zbuluar tashmë në vigjilje të të ashtuquajturës Javë e Nivelit të Lartë: Bota ka nevojë për Paqe dhe - në gjysmë-rrugën drejt arritjes së Objektivave për Zhvillim të Qëndrueshëm (SDGs), vlerësimet janë që përparimi drejt SDG-ve ka devijuar nga drejtimi për të arritur afatin e vitit 2030. Në këtë moment OKB-ja pyet, si po ecën vendi juaj dhe çfarë më shumë mund të bëjmë së bashku për t’u ridrejtuar për arritjen e 17 SDG-ve. Mundësia për të prezantuar gjendjen aktuale për këto çështje, për të zgjeruar planet dhe rritur ambiciet, veçanërisht në lidhje me Agjendën 2030, do të jetë në qendër të disa ngjarjeve të rëndësishme. Më 18-19 shtator 2023 do të zhvillohet Samiti i SDG-ve, ku Kryetarët e Shteteve dhe Qeverive që flasin nga podiumi i Asamblesë së Përgjithshme shqyrtojnë përparimin në zbatimin e Agjendës 2030 dhe 17 SDG-ve, do të dalin me një deklaratë politike të nivelit të lartë mbi prioritetet dhe veprimet e përshpejtuara që çojnë drejt vitit të synuar 2030 për arritjen e Objektivave. Unë kisha kënaqësinë të takoj Presidentin e Shqipërisë në korrik për t'i bërë të njohur udhëzimet e Sekretarit të Përgjithshëm të OKB-së për këtë aktivitet. Negocimi i Deklaratës Politike që do të dalë nga Samiti i SDG-ve ka qenë pjesë e diskutimeve mes Shteteve Anëtare gjatë këtyre dy muajve të fundit. Zv. Sekretarja e Përgjithshme e OKB-së, Amina Mohammed, udhëhoqi këtë punë dhe di se ajo shpreson që teksti përfundimtar të pasqyrojë një interes dhe ambicie të përbashkët për një përparim të ri mbi SDG-të drejt vitit 2030. Në një shpjegim më teknik, pritet që Samit i SDG-ve të identifikojë fushat specifike - Nisma të Ndikimit të Lartë - me potencial për të përshpejtuar SDG-të. Sa i përket dhënies fund të dhunës ndaj grave, transformimit të Sistemeve të Ushqimit dhe Arsimit, si dhe uljes së Emetimeve të Karbonit, Shqipëria do të rikonfirmojë angazhimet që ka ndërmarrë dhe në forume të tjera. Ne shpresojmë që punësimi dhe mbrojtja sociale të jetë një tjetër fushë për të përparuar. - Çfarë ngjarje të tjera do të ndodhin gjatë sesionit të 78-të të Asamblesë së Përgjithshme të OKB-së, i cili nisi të martën, 5 shtator? Më 19-20 shtator do të zhvillohet Debati i Përgjithshëm i OKB-së, me fjalime të rëndësishme nga udhëheqësit botërorë. Fokusi i debatit për këtë vit na tregon shumë për gjendjen në botë. Udhëheqësit kërkohen të reflektojnë mbi "Rindërtimin e besimit dhe riaktivizimin e solidaritetit global: Përshpejtimi i veprimeve mbi Agjendën 2030 dhe Objektivat e Zhvillimit të Qëndrueshëm drejt paqes, prosperitetit, përparimit dhe qëndrueshmërisë për të gjithë". Debati i Asamblesë së Përgjithshme vazhdon për disa ditë në mënyrë që të gjithë 100 ose më shumë udhëheqësit e pranishëm të kenë momentin e tyre në podium. Paralelisht, më 20 shtator ka një Dialog të Nivelit të Lartë mbi Financimin për Zhvillim. Ai do të ofrojë udhëheqje politike në zbatimin e Planit të Veprimit të Addis-Ababa-s - një kuadër pune i OKB-së për mobilizimin e burimeve për të arritur SDG-të - si dhe për të identifikuar progresin dhe sfidat në rritje dhe për të mobilizuar veprime të mëtejshme. Në lidhje me sfidën më të madhe të njerëzimit, Ndryshimet Klimatike, do të zhvillohet Samiti i Ambicieve Klimatike më 20 shtator. Ky event i rëndësishëm do të drejtohet nga Sekretari i Përgjithshëm Guterres, i cili pritet të prezantojë një raport të përditësuar mbi ndikimin e ndryshimeve klimatike - pa dyshim duke mbledhur tendencat të cilat janë të njohura për ne nga lajmet e çdo dite. Ai do t’u drejtohet udhëheqësve, qeverive, bizneseve, qyteteve dhe rajoneve, shoqërisë civile dhe institucioneve financiare. Prisni një narrativë shqetësuese, pasi kjo verë ka qenë më e nxehta në të dhënat e regjistruara. Ai do të kërkojë veprime të besueshme, serioze dhe zgjidhje të reja miqësore me natyrën që do të zhvendosin situatën drejt uljes së emetimeve të karbonit dhe përshtatjen me urgjencën e krizës klimatike. Pandemia e Covid i dha botës shumë mësime, dhe më 20 shtator, Takimi i Nivelit të Lartë për Parandalimin, Përgatitjen dhe Reagimin ndaj Pandemive do të ndërtohet mbi këto mësime. Presidenti i Asamblesë së Përgjithshme, në bashkëpunim me Organizatën Botërore të Shëndetësisë, do të presë Kryetarët e Shteteve dhe Qeverive në këtë event një ditor për të miratuar një deklaratë politike me qëllim mobilizimin dhe shprehjen e vullnetit politik në nivele kombëtare, rajonale dhe ndërkombëtare për parandalimin, përgatitjen dhe reagimin ndaj pandemive. Dy takime të tjera të rëndësishme të lidhura me shëndetin publik do të zhvillohen më 21 dhe 22 shtator, respektivisht: Takimi i Nivelit të Lartë mbi Mbështetjen Shëndetësore Universale dhe Takimi i Nivelit të Lartë kundër Tuberkulozit. Agjencitë e OKB-së me seli në Nju Jork, si UNDP, UNICEF, UNFPA dhe UN-Women, mund të kenë gjithashtu takime bilaterale me anëtarët e delegacionit shqiptar. Sic mund ta shihni, ka një agjendë plotë me ngjarje të rëndësishme që ndodhin në Nju Jork këtë herë dhe po, sytë e botës do të jenë tek deklaratat e bëra atje. Përfaqësuesit e mediave globale do të jenë prezentë dhe do të raportojnë në vendet e tyre. - Vërtet, ka shumë gjëra që ndodhin në një periudhë të shkurtër, Zj. McCluney, por dimë gjithashtu se Shqipëria, si anëtare e Këshillit të Sigurimit 2021 - 2023, ka Presidencën e Këshillit të Sigurimit këtë shtator. Cili është vlerësimi juaj për rolin që ka luajtur Shqipëria gjatë mandatit të saj dhe çfarë janë prioritetet këtë muaj në krye të Këshillit të Sigurimit? Shqipëria ka luajtur një rol të rëndësishëm si anëtare e përkohshme e Këshillit të Sigurimit të OKB-së gjatë mandatit të saj. Lufta në Ukrainë vendosi punën e Këshillit të Sigurimit në një pozicion kritik me shumë çështje diplomatike dhe çështje thelbësore për t'u naviguar. Në rolin e Presidencës së Këshillit, ky është një rast për të përqendruar debatin mbi çështjet e interesit. Dy iniciativat konkrete që Shqipëria ka prezantuar si ngjarje kyçe gjatë shtatorit janë një debat i lartë i hapur në lidhje me Ukrainën që do të udhëhiqet nga Kryeministri Rama për "Realizimin e synimeve dhe parimeve të Kartës së OKB-së përmes multilateralizmit efektiv: Ruajtja e paqes dhe sigurisë së Ukrainës," dhe përfshirjen e sektorit privat në "Avancimin e Partneritetit Humanitar Publik-Privat". Paqja dhe Siguria janë vetëm një nga aspektet e punës globale të OKB-së, por për interesin e lexuesve tuaj, mund të përmend fokusin e punës së OKB-së përmes përfaqësimit me agjencitë e saj këtu në Shqipëri. 19 entitete (Agjenci, Fonde dhe Programe) të OKB-së njohur si - Sistemi i OKB-së në Shqipëri - kanë nënshkruar marrëveshjen që kemi me Qeverinë e Shqipërisë, ‘Kuadrin e Bashkëpunimit për Zhvillim të Qëndrueshëm 2022-2026’. UNDP, UNICEF, UNFPA, UNOPS, WHO, ILO, UNHCR, IOM, UN WOMEN, FAO, UNIDO dhe UNEP kanë staf në Shqipëri, dhe shumë prej nesh ndodhemi në zyrat në Rrugën Skënderbej, Tiranë, ndërtesë e veshur me flamuj që përfaqësojnë secilën prej 17 Objektivave të Zhvillimit të Qëndrueshëm. Gjithashtu, faqja jonë e web-it albania.un.org mund të jetë një burim i dobishëm për të marrë të gjitha lajmet e fundit mbi progresin tonë në Shqipëri, dhe aktualisht kemi përditësuar të gjitha arritjet e detajuara përmes Raportit të Progresit 2022. Shpresoj t’ju informoj përsëri së shpejti. Ka shumë ngjarje në proces. Dita e OKB-së, më 24 tetor, është afër, me shumë aktivitete që ndërtohen për ngjarjet e vitit të ardhshëm, në shtatorin e vitit 2024, kur tema e Asamblesë së Përgjithshëm të OKB-së do të jetë "Samiti i së Ardhmes," duke u përqendruar në mënyrë më kritike në çështje të problematikave të qeverisjes, në shkallë globale, SDG-të dhe Kartën e Kombeve të Bashkuara, dhe se si një sistem multilateral të mund të bëhet më i përgatitur për të ndikuar pozitivisht në jetët e njerëzve.

Lexo më tepër

1 prej5

Reportazh

11 korrik 2023

Buletini informativ Delivering for Development | Numri i 31-të | Prill-Qershor 2023

Të nderuar partnerë, kolegë dhe miq, Ju uroj mirëseardhjen në numrin e 31-të të buletinit tonë informativ Delivering for Development, në të cilim ne tregojmë mbi punën me ndikim të Agjencive të OKB-së në Shqipëri përgjatë tremujorit të dytë të 2023. Në këtë numër kemi mbuluar një mori lajmesh nga fushat kryesore të punës tonë, duke përfshirë zhvillimin e kapitalit njerëzor, rritjen ekonomike, inovacionin, ndryshimet klimatike, qeverisjen, sundimin e ligjit, dhe buxhetimin që reflekton barazinë gjinore. Ky është një numër që ofron informacion të thelluar në përpjekjet tona të ndryshme. Mos humbisni përditësimet mbi arritjet e dy prej programeve tona të përbashkëta, të cilat janë përqëndruar në potencialin e sektorit privat si një sektor kyç në përparimin e Objektivave të Zhvillimit të Qëndrueshëm. Në fushën e angazhimit të të rinjve, jemi të gëzuar që të prezantojmë anëtarët e rinj të Grupit Rinor Këshillimor të OKB-së në Shqipëri, duke theksuar rolin thelbësor të rinisë në iniciativat tona. Artikujt tanë mbulojnë tema interesante si bujqësia e qëndrueshme, mbrojtja e trashëgimsë kulturore, dhe një mori tematikash të tjera frymëzuese. Ne ju falenderojmë për mbështetjen tuaj të palëkundur dhe bashkëpunimin teksa vijojmë punën drejt një të ardhmeje më të mirë në Shqipëri. Ne ju urojmë një lexim të këndshëm, Fiona McCluney
Koordinatore e Përhershme
Organizata e Kombeve të Bashkuara në Shqipëri

Ju mund të lexoni buletinin informativ Delivering for Development këtu.

Lexo më tepër

1 prej5

Reportazh

05 prill 2023

Buletini informativ Delivering for Development | Numri i 30-të | Janar-Mars 2023

Të nderuar partnerë, kolegë dhe miq, Ju uroj mirëseardhjen në numrin e 30-të të buletinit tonë informativ Delivering for Development. Ne jemi shumë të gëzuar t’ju tregojmë veprimet tona të zbatuara nga entitetet e OKB-së në Shqipëri përgjatë muajve të fundit. Marsi iu kushtua barazisë gjinorë dhe kohezionit social, dhe veprimet tona janë të përqëndruara për t’i dhënë fund dhunës kundër grave dhe promovimin e fuqizimit të grave. Zbuloni përditësimet tona të fundit mbi ngjarjet përgjatë Ditës Ndërkombëtare të Grave, duke përfshirë një video të grave ambasadore në Shqipëri që advokojnë për fuqinë e votës për të fuqizuar gratë. Ky numër mbulon një sërë fushash në të cilat ne po punojmë për të arritur Objektivat e Zhvillimit të Qëndrushëm në prag të Samitit Botëror të OZHQ-ve, duke përfshirë punën tonë për të trajtuar ndryshimet klimatike dhe mbrojtjen e mjedisit, promovimin e zhvillimit ekonomik produktiv dhe gjithëpërfshirës, për të hequr barriera dhe për të krijuar mundësi për ata që janë në rrezik përjashtimi, dhe të sigurojë qeverisje të mirë, sundimin e ligjit, dhe të drejtat e njeriut. Ju nuk do të dëshironi të humbisnit artikujt mbi bujqësinë e qëndrueshme, ruajtjen e trashëgimisë kulturore dhe shumë më tepër. Ne shpresojmë që t’ju pëlqejë leximi i buletinit tonë informativ dhe të frymëzoheni nga përpjekjet tona për të bërë një ndryshim të vërtet. Ne ju urojmë një lexim të këndshëm, Fiona McCluney
Koordinatore e Përhershme
Organizata e Kombeve të Bashkuara në Shqipëri Kliko këtu për të lëxuar buletinin informativ.

Lexo më tepër

1 prej5

Shiko te gjitha

Njoftimi për media

24 nëntor 2023

Në prag të Ditës Ndërkombëtare për Eliminimin e Dhunës ndaj Grave më 25 Nëntor, Agjencitë e Kombeve të Bashkuara kërkojnë investime afatgjata e të qëndrueshme nga qeveria, sektori privat, fondacionet dhe dhuruesit e tjerë për të parandaluar dhunën ndaj grave dhe vajzave. Pothuajse një në dy gra në Shqipëri kanë përjetuar një formë dhune të paktën një herë gjatë jetës së tyre. Eliminimi i të gjitha formave të dhunës ndaj të gjitha grave dhe vajzave në hapësirat publike dhe private deri në vitin 2030 është një synim specifik dhe një angazhim i ‘Objektivave të Zhvillimit të Qëndrueshëm’ (Sustainable Development Goals). Investimet në parandalimin e dhunës janë të rëndësishme për të arritur atë qëllim dhe për të arritur barazinë gjinore.

Vetëm 27 shtete monitorojnë dhe kanë buxhete të dedikuara për barazinë gjinore dhe fuqizimin e grave në botë. Shqipëria është një prej tyre: vendi ka angazhime buxhetore për të zbatuar ligje që adresojnë dhunën ndaj grave. Për shembull, 27 milionë lekë do të shpenzohen për t’u shërbyer me ndihmë ligjore falas 3700 grave dhe vajzave, ndër të cilat edhe viktima të dhunës në familje. 155 milionë lekë janë planifikuar të shkojnë për ekzekutimin e urdhërave të mbrojtjes në favor të grave dhe fëmijëve. Megjithatë, qeveria duhet të japë financime nga sektorë të ndryshëm dhe të përdorë buxhetimin e përgjigjshëm gjinor për të mbështetur më shumë ndërhyrje për të parandaluar dhunën ndaj grave. Një lëvizje feministe e fortë dhe autonome është gjithashtu një pjesë kritike e zgjidhjes. Organizatat për të drejtat e grave luajnë një rol të rëndësishëm në parandalimin e dhunës, në advokimin për ndryshime politikash dhe që të mbajnë para përgjegjësisë qeveritë.

16 Ditët e Aktivizmit në Shqipëri

Ministria e Shëndetësisë dhe Mbrojtjes Sociale dhe Agjencitë e OKB-së në Shqipëri nisën "16 Ditët e Aktivizmit kundër Dhunës në Bazë Gjinore" në një ceremoni duke nderuar punën e vështirë dhe angazhimin e grave dhe burrave, të cilët punojnë çdo ditë për të ndihmuar të mbijetuarat e dhunës të rindërtojnë jetën e tyre. Aktivistët dhe aktivistet e shoqërisë civile, burrat dhe gratë në institucionet e drejtësisë, shërbimet lokale dhe partnerët ndërkombëtarë u nderuan për kontributin dhe mbështetjen e tyre për të parandaluar dhe eliminuar dhunën ndaj grave dhe vajzave.

“Nuk ka asnjë justifikim për dhunën ndaj grave dhe vajzave! Nuk kishte dje, nuk ka as sot dhe nuk do të ketë kurrë ndonjëherë”, theksoi Ministrja e Shëndetësisë dhe Mbrojtjes Sociale, Albana Koçiu gjatë hapjes së fushatës.

“Ndërsa themi me zë të lartë ‘Asnjë Justifikim!’ ndaj dhunës me bazë gjinore, ne duam gjithashtu të njohim përpjekjet e qindra aktivistëve dhe profesionistëve që punojnë shumë, çdo ditë, për të shpëtuar jetë, për t'u kthyer dinjitetin dhe shpresën të mbijetuarave dhe për ta bërë parandalimin e dhunës me bazë gjinore një prioritet. Së bashku mund t'i japim fund dhunës ndaj grave dhe vajzave”- tha Fiona McCluney, Koordinatore e Përhershme e OKB-së, duke njohur punën e institucioneve të zbatimit të ligjit dhe gjyqësorit.

16 Ditët e Aktivizmit është një fushatë vjetore që fillon më 25 Nëntor, Ditën Ndërkombëtare për Eliminimin e Dhunës ndaj Grave dhe vazhdon deri në Ditën Ndërkombëtare të të Drejtave të Njeriut që shënohet më 10 dhjetor.

Gjatë 16 Ditëve, qindra evente do të tërheqin vëmendjen e publikut në të gjithë Shqipërinë, duke bërë thirrje për t’i dhënë fund kulturës së dhunës ndaj grave. Nga podkast-et tek aktivitetet sportive, dhe tubimet e ndërgjegjësimit në komunitetet lokale nga veriu në jug, fushata synon të mobilizojë veprime kolektive për të siguruar që gratë dhe vajzat të jetojnë një jetë pa frikë, simbolizuar nga ngjyra portokalli. Aktivitetet do të organizohen nga shoqëria civile, si dhe nga institucionet qendrore dhe lokale të qeverisë, me mbështetjen e partnerëve ndërkombëtarë.

Agjencitë e OKB-së janë pjesë e fushatës nën ombrellën e Programit të Përbashkët për Eliminimin e Dhunës ndaj Grave në Shqipëri, zbatuar nga UN Women, UNDP dhe UNFPA me mbështetjen e Suedisë. OKB-ja do të udhëheqë një fushatë në mediat sociale për të nxitur diskutimin për dhunën me bazë gjinore duke përdorur #AsnjëJustifikim dhe #16Ditët. Më 29 nëntor, UN Women do të publikojë studimin “Ana e errët e dixhitalizimit: Dhuna ndaj grave e nxitur nga teknologjia, në Evropën Lindore dhe Azinë Qendrore”, ku do të paraqiten të dhëna edhe nga Shqipëria.

Lexo më tepër

1 prej5