Ekipi i OKB-së në Shqipëri feston arritjet e përbashkëta në punën për zhvillim të qëndrueshëm me ambasadorin zviceran në Shqipëri

Ekipi i OKB-së në Shqipëri priti ambasadorin e Zvicrës në Shqipëri, z. Adrian Maître në takim për të vlerësuar dhe njohur arritjet e përbashkëta në punën për zhvillim të qëndrueshëm dhe për t'i uruar ambasadorit suksese në kapitullin e ardhshëm të karrierës ndërsa ai përfundon mandatin e tij në Shqipëri.

“Zvicra është kontribuuesi i dytë më i madh në Programin tonë aktual të Bashkëpunimit dhe në Fondin e Përshpejtimit të SDG-ve. OKB-ja është mirënjohëse për partneritetin e ngushtë me Zvicrën dhe me Ambasadorin Maître në veçanti” – tha Koordinatorja e Përhershme e OKB-së në Shqipëri, Fiona McCluney.

Ambasadori Maître theksoi bashkëpunimin e suksesshëm me familjen e OKB-së në Shqipëri në promovimin e multilateralizmit dhe interesave të përbashkëta në Këshillin e Sigurimit, si dhe në ndërhyrjet me mbështetjen zvicerane, përfshirë reformën territoriale dhe administrative; zhvillimi e aftësive për punësim dhe programin ‘Askush Të Mos Mbetet Pas’.

OKB-ja në Shqipëri dhe Ambasada Zvicerane nënshkruan së fundmi fazën e dytë të projektit ‘Askush Të Mos Mbetet Pas’ (njohur si ‘Leave No One Behind’ – LNB, i cili zgjeroi punën për përmirësimin e mbrojtjes sociale në më shumë bashki me një buxhet prej 8 milionë franga zvicerane, të zbatuara gjatë 5 viteve përmes Fondit të Përshpejtimit të SDG.

Projekti ‘Askush Të Mos Mbetet Pas’ është një projekt i një rëndësie parësore dhe prezanton qasje të reja të qëndrueshme ndaj mbrojtjes sociale dhe përfshirjes me ofrimin e lehtësive të reja, mbështetjen nga lidhjet akademike zvicerane dhe përpjekjet e përkushtuara dhe të koordinuara të katër agjencive të OKB-së – UNDP, UNICEF, UN Women dhe UNFPA, nën drejtimin e UNDP-së, në partneritet me Qeverinë si në nivel qendror ashtu edhe lokal dhe duke angazhuar aktorë të ndryshëm, komunitete dhe OSHC.

Falë këtij projekti, janë arritur rezultate të prekshme me ndikim pozitiv në jetën e komuniteteve të cënueshëm, duke sjellë investime të shtuara dhe më të drejta te njerëzit, hequr barrierat dhe krijuar më shumë mundësi për ata që janë në rrezik përjashtimi. Projekti ka prekur jetën e rreth 200,000 grupeve të cënueshëm, personave me aftësi të kufizuara, romë dhe egjiptianë. Më shumë se gjysma e komunave janë mbështetur në përgatitjen dhe zbatimin e planeve të kujdesit social, janë trajnuar profesionistët në komuna dhe janë forcuar mekanizmat për të ofruar. LNB shërbeu gjithashtu për të mbështetur grupet e cënueshme gjatë pandemisë Covid-19.

Në fund të aktivitetit znj. McCluney i dorëzoi ambasadorit Maître një dhuratë simbolike për të nderuar përkushtimin e Ambasadorit për arritjen e objektivave të zhvillimit të qëndrueshëm në Shqipëri.